باهي تو حضر 500 فرنك قلوب كحلة و البنات حضرو باكو مشوار و البقية نبرو كالعادة ؛
حكاية الطفل رسلان أكيد سمعتو بيها ،، مالا قلتولي أحنا شعب الله الزوالي ؟؟ أحنا فالفقر نعيشو ؟؟ إي صحيح أما ماوصلناش لأعلى درجات الفقر ،، سيدي خويا انتي ترقد في داركم ،، تقوم الصباح تفطر و تلبس و تخرج و بصيفتك بطال تشد القهاوي و تڤحف طرف دخان و حق قهوة ،، تروح فالليل تلقى عشاك الي كتب من ربي ،، تركش عالتلفزة ولا تحل الفايسبوك مدام عندك تاليفون ولا بيسي يجيك النوم تدخل لفرشك تتغطى و ترقد ،، حتى كي تشد خدمة شهريتك ضعيفة ماتكفيش و زيد شطرها يمشي فالترنسبور أما تتكيف و تشرب و تلبس و الحمدلله بالرغم ماكش بش تصور شي ،، سيدي خويا في بلادنا عملنا ثورة الحرية و الكرامة الوطية و راس اللمبوط ،، سيدي خويا فيبالك فما تلامذة صغار السن تمشي أكثر من 5 كيلوماتر فالصباح يشقو الجبال و والوديان و الطبعة للركبة بش يمشو يقراو فالمدارس ؟ فيبالك فما بلايص منفية في تونس و فالشتاء الأب يتلكمت على ولدو بش يدفيه وقتلي حضرة جنابك شاد فرشك تكونكتي و تعمل في كومنتار لسوسو قطوسة ،، سيدي خويا فيبالك فما أولاد صغار في سن 11 سنة يخدمو فالحضائر و بنات تخدم فالديار ب80 دينار بش توكل بوها المعاق على كرسي و امها المريضة و تقري خواتها الي أصغر منها وقتلي انتي متقلق كيفاش بش يقصو الفايبر و السكايب سيدي خويا فيبالك انتي عندك تاليفون و تلفزة في داركم و فما عائلات تسكن في أكواخ كي تصب المطر السقف يقطر عليهم ،، فيبالك فما تلامذة يرجعو يقراو السنا و بوهم شهيد و حقو مشى كالكلب فالبوبالة ،، فيبالك فما نساء كبار و شياب يرقدو فالجبانة و ياكلو مالزبلة بجنب الزواحف وقتلي انتي شاد القهوة تكونكتي و تكلاشي في خلق ربي ،، هل تتخيل إنو يوصل أب لأربعة أبناء يعرض إبنو للبيع الأب كان يخدم تحت حيط لا CNSS لا مزمبي و وقتلي مرض طردوه و استغنو عن خدماتو وهو أب عائلة ،، منين بش يوكل أولادو ؟؟ منين بش يلبسهم ؟؟ منين بش يداويهم كي يمرضو ؟؟ منين بش يرجعهم يقروا إذا كان اصلا معادش عندو شي ينجم يبيعو بش يصرف عليهم ؟ علاش صغار ملايكة ينشو ضحية التعسف و الظلم في هالبلاد ؟؟ علاش صغار ماعندهمش الحق يلبسو دبش و يدخلو يقراو كي سائر خلق الله ؟؟ ويني الجمعيات الخيرية و ويني حقوق الإنسان و حماية الطفولة ؟؟ مالصغرة تزرعولهم النقمة في قلوبهم و تقتلوهم بالشر علاش ؟؟ وصل أب رسلان عرض الكبدة متاعو للبيع و اليأس و الدموع و الحرقة ماكلتو و ماهوش طالب شي من عند اي مخلوق ،، عرض ولدو للبيع بش يدخل بقية أولادو يقراو ويني الكذبة متاع التونسي لتونسي رحمة ؟؟؟ ويني القلوب الرحيمة و راس اللمبوط !؟؟ وينهم السياسيين الي يخدمو فالشعب و وينهم كلاب التأسيسي و الفلوس الي نهبوها ؟؟ و فوق هذا الكل يدخل الحاكم و يلقي القبض على أب رسلان و بقية الأبناء بالنفس الطريقة الي يشدو بيها تاجر مخدرات و بالطبيعة مسيبين الإرهابيين و كبار المجرمين يدورو على راحتهم و تحيا وزارة الداخلية يلز عالمُر كان الي أمر منو و في بلادي يضيع حق المظلوم و الظالم يشد الكرسي و يلعب بالمليارات بالنسبة للي مايعرفوش قصة الطفل رسلان اتو تلقاو الرابط في كومنتار و كان فيكم ذرة شهامة عاونو بلي تقدرو عليه إن أطيحت لكم فرصة للمساعدة
0 التعليقات:
إرسال تعليق
Click to see the code!
To insert emoticon you must added at least one space before the code.