أيا شد عندك

تعرفو مليح المجتمع متاعنا و عقليتو يعني مانغير مانقعد نفسر برشا ،، فما برشاااااا عباد في تونس كي يشوفو طفلة تتكيف ديراكت يقلك هذي ’’ عاهرة ‘‘ و زيد يبصم بالعشرة على كلامو ،، باهي سيدي خويا هاو بش نمشي معاك فالخط ،، انتي تتكيف معنتها انتي عاهر ؟؟ ماتقليش أنا راجل و هي طفلة خاتر فما حاجة تسبق كلامك إنو انتي إنسان ( بش مانقولش حيوان ) و هي زادة إنسان ،، انتي حضرة جنابك علاش تتكيف ؟؟ تي ماهو زعمة زعمة مالستراس و كوم كوا تفرغ غشك في سيڤارو خير ملي تموت بالقهرة ؟؟ حتى الطفلة هكاكة يركبها الستراس و تحب تنحيه بالدخان  انتي تعلمت الدخان بريود لقراية ؟؟ شطر البنات كيفك تعلمو الدخان بريود لقراية ،، انتي انتي تتلهمڤ في سيڤارو و هي كيفك  أما شطر البنات يحشمو بش ينحولكم الرادسة متاع بوكم الكلب الطحان و خاتر يعرفو انو المجتمع هذا بهيم بطبعه تولي الطفلة تسكت كي حضرة جنابك تقلها يا عاهرة و زيد برشا بنات تلقاهم يتكيفو بالسرقة فالطولاتات بش يتجنبو كلاماتكم الجميلة ،، تي أش مدخل التدخين فالعهر ؟؟؟؟ هي حرة تتكيف خير ملي تعمل حكايات أخرى و كل شخص مسؤول و حر في نفسو ،، نعرف طفلة من عام 2001 تباركالله عليها كيما تقلو انتم معقدة يا حداثيين  حدها حد روحها تقعد وحدها و لاهية كان بقرايتها و القراية للدار ،، على الرغم من انها حاسبتني كي خوها و تحكيلي كل شي لكن بعد 4 سنوات شلقت بيها تتكيف عن طريق الصدفة ،، فهمتو شنوا معنتها عن طريق الصدفة ؟؟ بون ماللول ستغربت من وقتاش هي تتكيف و علاش حكاية تافهة كيما هذي تخبيها عليا بينما هي أمنتني على حكايات أهم ! كي سئلتها طلبت السماح و قاتلي الله غالب هي متخوفة من كلامات هالمجتمع و قعدت تتكيف بالسرقة حتى على أقرب الناس ليها بطريقة لا إرادية ،، بون لللأسف برشا مواضيع مستحيل تتغير فالمجتمع هذا و بالنسبة لموضوع الدخان يلزم البنات يقعدو يتكيفو بالسرقة فالطولاتات و يا ربيش يمنعو الي ان يأتي مايخالف ذلك ...