بش نحكيلكم قصة طفل إسمو عبد الحق و نفس القصة تنطبق على برشا منكم .
عبد الحق طفل واحد في عايلتو و خواتو الكل أصغر منو بنات ،، ظروفهم تاعبة شوي و كيما يقولو فيها يد وحدة ماتصفقش يعني بوهم تاعب يخدم فالمرمة و شهريتو ماتكفيش عايلة كاملة المهم عبد الحق نجح فالباك و قرا عام واحد فالجامعة و بطل بسبب الظروف ،، كان يترانا في كمال الأجسام و امورو واضحة ،، قدم فالدورات متاع الشرطة و الحرس و الديوانة و الوظائف العمومية الكل ،، حب على خدمة قارة ينجم يعاون بيها عايلتو و يكمل يبني الدارهم ،، المهم 4 سنوات و هو يجري ورا الكونكورات و شي ماحبوش ينتدبوه بالرغم ماينقصو شي اما ماعندوش زهر ،، العمر فات 24 سنة يعني أيس من الوظيفة العمومية ،، حب يخدم اي خدمة أخرى ،، اي شركة خاصة يمشيلها يطلبو عليه اكسبريونص والا رخصة سياقة ،، حب يخدم فالمرمة يلقاها حتى هي بالمعارف و ماتوكلش الخبز ،، حتى سرفور في قهوة مالقاش ،، فما شركات خواص خذاو منو السيرة الذاتية و قالولو كي نستحقوك اتو نكلموك اما هيهات يستنى يستنى شي النافع الله ،، ضربتو البطالة قد ما حب ،، ظروف دارهم كملت هبلتو ،، دخل يخدم في بيبلينات يلقى شهريتو ماتصرفش مدة جمعة بإعتبار غلاء المعيشة في تونس ، بطل الأونترنمون و تعلم الدخان ،، البدن الي كان عندو مشى مع الريح و ضعف علخر ،، أمو مرضت و يلزمها عملية و مالقاوش منين يجيبولها الفلوس ياخي هز ربي أمانتو قعد يبكي مع خواتو أيام و ليالي سايي معادش فيها و بوه معادش ينجم مصاريف دار و قرايا بناتو ،، عبد الحق هبل ،، يضحك وحدو و يبكي وحدو و يتكلم وحدو المهم أصبح مهبول بأتم الكلمة ،، صدقوني تشوفو تو و تشوفو كيفاش كان قبل اتو تهبلو كيفو نعم يا سادة هذي تونس كيفاش تحطم العباد ،، برشا شباب تحطمو كيفو ...
0 التعليقات:
إرسال تعليق
Click to see the code!
To insert emoticon you must added at least one space before the code.