بالرغم من كرهي الشخصي لداعش إلا أنو ... ؛

بش نحكيلكم حكاية نشوفو فيها كل يوم و بش ناخذ مثال ’’ التاكسي الجماعي ‘‘ ،، أي تاكسي جماعي متاع أي منطقة فالجمهورية التونسية كي تبدى عندو برشا خدمة مثلا في أوقات ذهاب المواطنين للعمل أو خروجهم مالعمل و مروحين لديارهم تلقى التاكسي الجماعي يرفس و يعبي في 8 بلايص و يخدم ربي يعينو ،، في بعض الأوقات تلقى التكسيات الكلها مبلصة و قريب يتعاركو بالبونية شكون يطلع عباد و قريب التكسيستي يبوسلك ساقك بش تطلع معاه ،، و زيد يعبي في أكثر مالقانون الي يسمحلو ،، و كي يبدى فما خدمة يبدى يتشرط عليك و يعبي كان 8 بالضبط مدامو عارف بش يلقى برشا يستنو فيه ،، باهي هذا الكل مايهمناش فيه و ربي يعاونهم بالباهي و الخايب الي فيهم ،، اليوم أنا بش ناخذ تاكسي جماعي من برشلونة و التكسيات الكل مبلصة ،، طلعت مع واحد قريب يبوسلي ساقي بش نطلع معاه ،، المهم التاكسي مزال متعباش فيه أنا و 4 عباد أخرين و مزال ناقص 3 بلايص بش يخرج ،، فما طفلة متعدية سئلها التاكسيستي قلها ماشية للياسمينات ؟؟ قتلو لا خويا و كملت طريقها ،، التكسيستي كمل البلايص و خرج و بعد قال ( مالا طفلة هذي منظرها كالثعلب قلتلها الياسمينات قتلي لاي لاي ) يتمنيك عليها خاتر صوتها ماهوش خشين كيما البلطي  عاد فما شكون بدى يضحك معاه و التكسيستي متاعو تحل عاد و واصل يتمنيك عليها ،، تلفتلي أنا قلي ريت مالا بشرية  أه نونو أه ،، قتلو يا معلم إي ريت البشرية الي كيفك بالضبط كان انتحرو خير  قلي شبيك لباس ؟؟ قتلو إي لباس أما انتي يضهرلي ماكش لباس ،، تتمنيك على الطفلة خاتر ماطلعتش معاك و اصلا هي متعدية مالطريق هذا ماهيش جاية بش تاخو تاكسي جماعي تقوم انتي تضحك عليها ؟؟ لا وزيد تحب تضحك لعباد معاك ؟؟ تقلها ثعلب على خاتر صوتها عادي متاع طفلة ماهوش متاع بغل كيفك ؟؟ بلكشي سبتك هي بش تقعد لحكاية في مخك و تطلع تتمسخر عليها بعد ماكملت عبيت ؟؟ كان تلفتك و حڤرتك راك سكتت على روحك ،، الحاصيلو السيد بلع غصتو و بدى يمهمه مالقى مايقول و سكت و حتى الحيوانات الي كانت تضحك معاه وجوها حمارت مالحشمة ،، هذا علاش قلت داعش ساعات نحس عندها أهداف نبيلة بالرغم كرهي الشخصي ليها ،، ساعات تتمنى داعش تجي و تقضي على الأوباش هذي ...