ساعات يعرضني إنسان يبدى يسلم و يحمل و يبوس و يحكي في حكايات نعرفهم أما هو ماعرفتوش ،، نقعد نحكي معاه و يسئلني نجاوبو و نحكو نحكو نحكو لكن في مخي نحب نتفكر هالإنسان هذا شكون ؟؟ بعد مانكملو نحكو يجي ماشي نسئلو سؤال خطييييييييير و نقلو بربي سامحني ياخي إنتي شكون !؟ يقلي بالرسمي تحكي ؟؟ نقلو إي والله من قبيلة نعصر في مخي و ماتفكرتكش يقلي مالا هاك تحكي عندك ساعة ياخي مريض بالزهايمر ؟! نقلو آش خص يولي يفكرني وقتاش تقابلنا قبل و كيفاش عرفني و يطلع واحد خدم معايا قبل و أنا نسيتو و لا يطلع صاحب صاحبي عملنا قهوة مرة و هو مزال يتفكرني و يتفكر خليقتي و أنا الله غالب مضروب على طاسة مخي نسيتو و نسيت وجهو و نسيت كل شي ، إنما وبحيث أش خص كان جات الأوبسيون هذي متاع النسيان تخدم في كل شي خلي الواحد يرتاح شوي ...
ساعات
0 التعليقات:
إرسال تعليق
Click to see the code!
To insert emoticon you must added at least one space before the code.