أغبى شعوب العالم

ريتوها الطفلة هذيكا ؟؟ تي رقدو معاها رجال تونس الكل ؛

التونسي كي يسمع بطفلة رقدت مع ذكر يولي يحب يعرف عليها كل شي و مذابيه مايحرمش روحو و يرقد معاها هو زادة  أما ردو بالكم تقلو عليه ’’ مكبوت ‘‘ ههههههه فعلا حكاية الجنس هي أقوى حكاية يركز عليها شعب الله المُحتار ،، و بطبيعة الحال و هذا لا ريب فيه إنو سي فلان هذكا يبدى يركح فالطفلة هذيكا الي سمع بيها رقدت مع فلتان ،، بش يدخل ماللول بلغة صديق و مزمبي ،، بعد بأيامات يولي يتقرب أكثر و يدخللها بلغة شبيك متقلقة و أحكيلي فرغلي قلبك ،، بعد يولي يطيش فالصُحبة و ايجا نعملو قهوة ،، بعد يولي يزلقلها لغة فرش و شيخة و دار مكرية في أحلى بلاصة ،، و كان الطفلة ماركحتلوش يحس روحو ضيع تعب أيام و ليالي و يبدى يفضح فيها و أكيد بش يقول راهو رقد معاها و بدنها طيارة و إلخ  و من المتعارف عليه أن التونسي يعشق التنسنيس و بذاك تلقى سي فولان هذكا يحكي للعباد الي هو رقد مع الطفلة هذيكا و العباد ماهم فاضين شغُل يولو يحكو بيها هاي فولانة رقدت مع فولان و ملي كانت رقدت مع ذكر واحد من كلامات العباد و المرضى يردوها رقدت مع 160 واحد ،، بالضبط كيما حكاية السردوك الي فما مهبول قال راهو السردوك جاب عضمة ياخي من لسان الي لسان وصلت الحكاية للسلطان انو السردوك بيض قفة كاملة متاع عظم ههههههه هكاكة نفس الشيء للطفلة التونسية الي ماينجمش يرقد معاها يكذب عالعباد و يقول راهو رقد معاها و من عبد لعبد و من مريض لمريض يردوها رقدت مع الرجال الكل ،، حتى لو كان فما طفلة بالرسمي رقدت مع ذكر و هو مشى يحكي بيها بش زعمة زعمة يظهر روحو راجل يعطيه بتييييييت على تفكيرو الحيواني و وقتها الشعب التونسي الي سمع الحكاية عندو حاجتين يعملهم ؛ يرقد معاها أو يردها رقدت مع الناس الكل  و الأغرب من هذا ساعات تلقى ملهط معروفة كانت رامية الصحبة على طفلة و كي يتعاركو أول حاجة تعملها الملهط هذيكا تبدى طلع فالإشاعات على الطفلة و بالطبيعة مدامها ملهط تعرف شنوا يلزمها تكذب و أكثر كذبة تتصدق من طرف البهايم كي تقلهم راهي فولانة رقدت مع 60 واحد و بيها و عليها  أيها التونسي بصيفتك تعشق التنسنيس خليني نسئلك بعض الأسئلة ؛ كي قالولك راهو الطفلة هذيكا رقدت مع فولان عطاوك دليل بش توصل تصدق ؟؟ مثلا عطاوك فيديو ولا تصويرة ؟؟ و كي يجيك ذكر يقلك راهو رقد مع فولانة ماتخممش شوي و تقول يمكن راهو يكذب و قال هكاكة خاترها ماركحتلوش ؟؟ و حتى كان بالرسمي هو رقد معاها يتسمى راجل ؟؟ تي نورمالمون تسبو خاتر الراجل مايحكيش حكايات من تلك النوع ،، و بربي لها الدرجة عندك كبت ؟ ياتوصل ترقد معاها مكانش تكمل تنشر الإشاعات ؟؟ و كيفاش توصل تصدق ملهط معروفة بالتملهيط متاعها و الكذب و النفاق متاعها كي تقلك راهو فولانة رقدت مع مليار راجل فهل يعقل إنو كلامها صحيح و انتي تصدقها ؟؟؟

إنما و بحيث يعطيكم تييييت على تفكيركم و سيبقى العرب أغبى شعوب العالم مدام لا تهمكم فالحياة سوى مؤخرات البنات .