توا هاذي حكاية تحكيها؟؟؟

ﺳﺎﻋﺎﺕ ﻳﺠﻴﻚ ﺻﺎﺣﺒﻚ ﻳﻘﻠﻚ ﺭﺍﻧﻲ ﻛﻨﺖ
ﻗﺎﻋﺪ ﻣﻊ ﻓﻮﻻﻥ ﺭﻳﺤﺘﻮ ﻧﺎﺗﻨﺔ ﺑﺎﻟﻌﺮﻕ
ﺩﻭﺧﻨﻲ ﻣﻌﺎﻩ ﻭ ﺑﺎﻟﻄﺒﻴﻌﺔ ﺻﺎﺣﺒﻲ
ﻫﺬﺍ ﻳﻨﺘﻈﺮ ﻣﻨﻲ ﺑﺶ ﻧﻀﺤﻚ ﻣﻌﺎﻩ ﻋﻠﻰ
ﻓﻮﻻﻥ ﻟﻜﻦ ﺃﻧﺎ ﻧﻨﺒﺰﻭ ﻋﻼﺵ ؟؟
ﺑﺮﺑﻲ ﺷﻜﻮﻥ ﺍﻟﻲ ﻣﺎﻳﻌﺮﻗﺶ ؟؟ ﺃﻧﺎ ﻭ
ﺃﻧﺖ ﻭ ﺇﻧﺘﻲ ﻧﺠﻤﻮ ﻧﺎﺧﺬﻭ ﻣﺰﻳﻞ ﺭﺍﺋﺤﺔ
ﺍﻟﻌﺮﻕ ﻭ ﺍﻟﺒﺮﻓﻨﺎﺕ ﻭ ﻏﻴﺮﻭ ﻟﻜﻦ ﻓﻤﺎ ﻋﺒﺎﺩ
ﻣﺎﺗﻨﺠﻤﺶ ﺗﺸﺮﻱ ﻣﻼ ﻳﻤﻮﺗﻮ ؟؟ ﻳﺎ
ﺻﺎﺣﺒﻲ ﻓﻲ ﻋﻮﺽ ﺗﺤﺸﻢ ﻣﻨﻮ ﻭ ﻓﻲ
ﻇﻬﺮﻭ ﺗﻀﺤﻚ ﻋﻠﻴﻪ ﺭﺍﻙ ﺗﻨﺠﻢ ﻣﺎﻓﻴﻬﺎﺵ
ﻣﺸﻜﻞ ﺗﻘﻠﻮ ﻳﺎ ﻓﻼﻥ ﺭﺍﻫﻲ ﺭﻳﺤﺘﻚ ﻋﺮﻕ
ﻗﻮﻳﺔ ﺑﺮﺍ ﻋﺎﻷﻗﻞ ﺃﻏﺴﻞ ﺃﻃﺮﺍﻓﻚ
ﺑﺎﻟﺼﺎﺑﻮﻥ ﻭ ﻫﻜﺎﻛﺔ ﺗﺮﺑﺢ ﺃﺟﺮ ﻓﻲ ﺑﻼﺻﺔ
ﺍﻟﺬﻧﺐ ،، ﺗﻮ ﻓﻴﺒﺎﻟﻜﻢ ﺍﻟﺤﻜﺎﻳﺔ ﻫﺬﻱ
ﻳﻌﻤﻠﻮﻫﺎ ﻛﺎﻥ ﺍﻟﺮﺟﺎﻝ ؟؟؟ ﻻ ﻻ ﺳﻴﺪﻱ
ﺧﻮﻳﺎ ﻗﺪﺍﺵ ﻣﻦ ﻣﺮﺓ ﺗﺠﻴﻚ ﻃﻔﻠﺔ
ﺗﺘﻤﺴﺨﺮ ﺑﺼﺎﺣﺒﺘﻬﺎ ﻃﻔﻠﺔ ﻛﻴﻔﻬﺎ ﺗﻘﻠﻚ
ﻫﺎﻱ ﻓﻮﻻﻧﺔ ﺭﻳﺤﺘﻬﺎ ﺩﻳﻤﺎ ﺑﺎﻟﻌﺮﻕ ﻭ
ﻣﺎﺗﺸﺮﻳﺶ ﺣﺘﻰ ﺭﻭﻟﻮﻥ ﺑﺴﺒﻌﺔ ﺃﻻﻑ
ﻓﺮﻧﻚ ﺃﻭﻻً ﺃﻳﺘﻬﺎ ﺍﻟﺼﺪﻳﻘﺔ ﻣﺎﻟﻤﻔﺮﻭﺽ
ﺣﻜﺎﻳﺎﺕ ﺑﻨﺎﺕ ﺗﻘﻌﺪ ﺑﻴﻨﺎﺗﻜﻢ ﻣﻮﺵ ﻻﺯﻡ
ﺗﻌﺎﻭﺩﻫﺎ ﻟﺮﺍﺟﻞ ،، ﺛﺎﻧﻴًﺎ ﺃﻳﺘﻬﺎ ﺍﻟﺼﺪﻳﻘﺔ
ﺭﺍﻙ ﺍﻟﻲ ﺗﺘﻤﺴﺨﺮ ﻋﻠﻴﻬﺎ ﻫﺬﻳﻜﺎ ﻃﻔﻠﺔ
ﻛﻴﻔﻚ ﻛﻴﻔﻬﺎ ﻭ ﻣﺎﻟﻤﺴﺘﺤﺴﻦ ﺗﻨﺼﺤﻬﺎ ﻭ
ﻣﻔﻤﺎﺵ ﻻ ﺣﺸﻤﺔ ﻻ ﺷﻲ ﻛﻲ ﺗﻘﻠﻬﺎ
ﺭﺍﻫﻲ ﺭﻳﺤﺔ ﺍﻟﻌﺮﻕ ﻗﻮﻳﺔ ﺑﺮﺍ ﺩﻭﺵ ﻭﻻ
ﺃﻋﻤﻞ ﺣﻜﺎﻳﺔ ﻭ ﻣﺎﺗﻨﺴﺎﺵ ﺭﺍﻙ ﺗﻨﺠﻢ
ﺗﻜﻮﻥ ﻓﻲ ﺑﻼﺻﺘﻬﺎ ﻭ ﺗﻌﺮﻕ ﻭ ﻣﺎﺗﺸﻤﺶ
ﺭﻭﺣﻚ ﻭ ﺗﻔﺮﺡ ﻛﻲ ﺗﻔﻴﻘﻚ ﺻﺎﺣﺒﺘﻚ ﺗﻘﻠﻚ
ﺑﺮﺍ ﻓﻮﺡ ﺭﻭﺣﻚ ﻗﺒﻞ ﻣﺎ ﻳﺸﻤﻮ ﺭﻳﺤﺘﻚ
ﺍﻟﺮﺟﺎﻝ ..
ﺃﻧﺎ ﻣﺜﻼ ﻻﺑﺲ ﺳﻄﻞ ﻓﻲ ﻭﺟﻬﻲ ﻻ
ﻧﻌﺮﻑ ﺣﺸﻤﺔ ﻻ ﻣﺰﻣﺒﻲ ﻭ ﻛﻠﻤﺘﻲ ﻧﻘﻮﻟﻬﺎ
ﺩﻳﺮﺍﻛﺖ ﻛﻲ ﻧﺸﻮﻑ ﺻﺎﺣﺒﻲ ﻓﻴﻪ ﺣﺎﺟﺔ
ﺩﻳﺮﺍﻛﺖ ﻧﻘﻮﻟﻬﺎﻟﻮ ﻓﻲ ﻭﺟﻬﻮ ﻋﻠﻰ ﺇﻧﻔﺮﺍﺩ
ﻭ ﻧﻮﺭﻣﺎﻝ ﺧﻠﻴﻪ ﻳﺘﻜﺮﺯ ﻣﻨﻲ ﻗﺪﺍﺵ
ﻣﻦ ﻣﺮﺓ ﺗﺸﺪ ﻭﺍﺣﺪ ﻣﺎﻷﻭﻻﺩ ﻧﻘﻠﻮ ﺑﺮﺍ
ﻧﺤﻲ ﺷﻌﺮ ﺧﺸﻤﻚ ﻭ ﺃﻧﺖ ﻛﺎﻟﺪﺏ
ﺍﻟﻘﻄﺒﻲ ﻗﺮﻳﺐ ﺗﺮﺑﻲ ﻏﺎﺑﺔ ﻓﻲ ﺧﺸﻤﻚ
ﺇﻱ ﻧﻘﻮﻟﻬﺎﻟﻮ ﺑﺎﻟﻄﺮﻳﻘﺔ ﻫﺬﻱ ﺑﺶ
ﻳﺰﺭﺏ ﻳﻨﻈﻒ ﺭﻭﺣﻮ ،، ﺑﺮﺷﺎ ﺑﻨﺎﺕ ﺯﺍﺩﺓ
ﻧﻘﻮﻟﻬﺎﻟﻬﻢ ﻭ ﺧﻠﻲ ﻳﺘﻜﺮﺯﻭ ﻣﻨﻲ ﻧﻮﺭﻣﺎﻝ ،،
ﻳﺘﻜﺮﺯﻭ ﻣﻨﻲ ﺧﻴﺮ ﻣﻠﻲ ﻳﻀﺤﻜﻮ ﻋﻠﻴﻬﻢ
ﺍﻟﻌﺒﺎﺩ ﻓﻲ ﻇﻬﻮﺭﺍﺗﻬﻢ ﻭ ﻗﺪﺍﺵ ﻣﻦ
ﻃﻔﻠﺔ ﻧﻘﻠﻬﺎ ﺑﺮﺍ ﻧﻈﻒ ﻭﺫﻧﻚ ﻭ ﺍﻧﺘﻲ ﻗﺮﻳﺐ
ﺗﻌﻤﻞ ﻣﺴﺪ ﺑﺎﻟﻮﺳﺦ ﺍﻷﺻﻔﺮ ﻭ ﻗﺪﺍﺵ
ﻣﻦ ﻃﻔﻞ ﻧﻘﻠﻮ ﺑﺮﺍ ﺣﺠﻢ ﺿﺒﻮﻃﻚ ﻭ
ﻗﺪﺍﺵ ﻣﻦ ﻃﻔﻠﺔ ﻧﻘﻠﻬﺎ ﺑﺮﺍ ﺩﻭﺵ ﻭ
ﻗﺪﺍﺵ ﻣﻦ ﻃﻔﻞ ﻧﻘﻠﻮ ﺑﺮﺍ ﻣﻮﺕ ﻳﺎ ﺳﻔﺞ
ﻫﻬﻬﻬﻬﻬﻬﻪ ﺍﻟﻤﻬﻢ ﻣﺎﻧﺤﺸﻤﺶ ﻣﻨﻬﻢ ﻭ
ﻧﻌﺘﺰ ﺑﺮﻭﺣﻲ ﻛﻲ ﻧﻔﻴﻘﻬﻢ ﺑﺤﺎﺟﺎﺕ
ﻣﺎﺗﺨﻠﻴﺶ ﺭﺧﻮﻳﺎﺕ ﺃﺧﺮﻯ ﺗﻀﺤﻚ ﻭ
ﺗﺘﻤﻘﻌﺮ ﻋﻠﻴﻬﻢ ،، ﻳﺎ ﻣﻮﺍﻃﻦ ﻛﻲ ﺗﻼﺣﻆ
ﺣﺎﺟﺔ ﻋﻠﻰ ﺻﺎﺣﺒﻚ ﻗﻮﻟﻬﺎﻟﻮ ﻭﺣﺪﻭ ﻓﻲ
ﻭﺟﻬﻮ ﺑﺎﻟﻜﺸﻲ ﻫﻮ ﻣﺎ ﺇﻧﺘﺒﻬﺶ ﻟﻴﻬﺎ ﻭ ﺇﻧﺘﻲ
ﺃﻳﺘﻬﺎ ﺍﻟﻤﻮﺍﻃﻨﺔ ﻛﻲ ﺗﻼﺣﻆ ﺣﺎﺟﺔ ﻋﻠﻰ
ﻃﻔﻠﺔ ﻛﻴﻔﻚ ﻛﻴﻔﻬﺎ ﻣﻮﺵ ﻻﺯﻡ ﺗﺤﻜﻲ
ﺑﻴﻬﺎ ﻟﻠﺮﺟﺎﻝ ﻭ ﺑﺮﺍ ﻗﻮﻟﻬﺎﻟﻬﺎ ﻭﺣﺪﻫﺎ ﻭ
ﻧﻘﺼﻮ ﻣﻦ ﻗﻠﺔ ﺍﻟﺤﻴﺎﺀ ﻭ ﺍﻟﺤﺸﻤﺔ ﺭﺍﻫﻮ
ﻣﻮﺍﺿﻴﻊ ﻛﻴﻤﺎ ﻫﺬﻱ ﻣﺎﺗﺴﺘﺤﻘﺶ ﺍﻟﻲ
ﺗﻌﻤﻠﻮ ﻓﻴﻪ ...