ﺍﻟﺤﻜﺎﻳﺔ ﻭ ﻣﺎﻓﻴﻬﺎ ..
ﺯﻭﺯ ﻋﺮﻓﻮ ﺑﻌﻀﻬﻢ ﺻﺪﻓﺔ ﻓﻲ ﺣﺪﺙ
ﺛﻘﺎﻓﻲ ﺷﻌﻠﻴﻨﺎ ﻓﻴﻪ ﻭ ﺑﻘﺎﻭ ﺩﻳﻤﺎ ﻳﺤﻜﻴﻮ ﻣﺎ
ﺗﻘﻄﻌﺶ ﺑﻴﻨﺎﺗﻬﻢ ﺍﻻﺗﺼﺎﻝ .. ﺑﺤﻜﻢ ﺍﻧﻬﻢ
ﻳﺴﻜﻨﻮﺍ ﺑﻌﺎﺍﺍﺩ ﻋﻠﻰ ﺑﻌﻀﻬﻢ ﻣﺎ ﺗﻼﻗﺎﻭﺵ
ﻣﺮﺓ ﺍﺧﺮﻯ ﻣﺎﻟﻨﻬﺎﺭ ﻫﺬﺍﻛﺎ .. ﺍﻣﺎ ﻭﻻﻭ
ﺻﺤﺎﺏ ﻋﺎﻻﺧﺮ ﻭ ﺍﻟﻲ ﻳﺤﻞ ﺍﻟﻔﺎﻳﺴﺒﻮﻙ
ﻟﻮﻝ ﻳﺒﻘﺎ ﻳﺴﺘﻨﺎ ﻓﻲ ﺍﻻﺧﺮ ﺑﺎﺵ ﻳﺤﻜﻲ
ﻣﻌﺎﻩ ..
ﻭﻻﻭ ﺻﺤﺎﺏ ﺑﺎﻟڨﺪﺍ ﻭ ﻳﺤﻜﻴﻮ ﻛﻞ ﺷﻲ
ﻟﺒﻌﻀﻬﻢ ﻭ ﻭﻻﺕ ﻛﻲ ﻳﻮﺧﺮ ﻣﺎ ﻳﺤﻠﺶ
ﺗﺘﻘﻠﻖ ﻋﻠﻴﻪ ﻭ ﻭﻻ ﻧﻬﺎﺭ ﻛﺎﻣﻞ ﻳڨﻨڨﻦ ﻋﻠﻴﻬﺎ
ﻫﺎﺫﺍﻛﺎ ﺷﻜﻮﻥ ﻟﻲ ﻋﻤﻠﻚ ﻛﻮﻣﻨﺘﺎﺭ. .
ﺷﺒﻴﻚ ﻣﻬﺒﻄﺔ ﺗﺼﻮﻳﺮﺗﻚ .. ﺍﻟﺦ ﺍﻟﺦ
ﺑﻘﺎﻭ ﺑﺮﺷﺎ ﻫﻜﺎﻛﺔ .. ﻭ ﻛﺜﺮﺕ ﺑﻴﻨﺎﺗﻬﻢ
ﺍﻟﺘﺎﻟﻴﻔﻮﻧﺎﺕ ﻭ ﺍﻟﺴﻬﺮﻳﺎﺕ ﻭ ﺍﻧﺘﻮﻣﺎ ﺍﺩﺭﻯ
ﺑﺎﻟﻠﻲ ﺑﺎﺵ ﻳﺼﻴﺮ
ﻛﻬﻮ ﺣﺒﻮ ﺑﻌﻀﻬﻢ ﻭ ﺳﺘﺎﻧﺴﻮ ﻭ ﺩﻳﻤﺎ
ﻳﺴﺘﻨﺎﻭ ﻓﻲ ﺍﻟﻨﻬﺎﺭ ﻟﻲ ﺑﺎﺵ ﻳﺘﻘﺎﺑﻠﻮ ﻣﺮﺓ
ﺍﺧﺮﻯ ﻭ ﺩﻳﻤﺎ ﺍﻟﻀﺮﻭﻑ ﻣﺎ ﺗﻮﺍﺗﻴﺶ ...
ﻃﺎﺣﺖ ﺑﺴﻲ ﻭﺧﻴﻨﺎ ﺍﻟﺪﻧﻴﺎ ﻭ ﻣﺎﻟﻘﺎﺵ
ﺧﺪﻣﺔ ﻭ ﻫﻮ ﻛﻤﻞ ﻗﺮﺍﻳﺘﻮ ﻭﻻ ﻳﺨﺪﻡ
ﺑﺎﻟﻨﻬﺎﺭ .. ﻣﺮﺓ ﻣﺮﻣﺔ .. ﻣﺮﺓ ﺧﻈﺎﺭ .. ﻣﺮﺓ
ﺣﻤﺎﻝ ﻓﻲ ﺍﻟﺴﻮﻕ ... ﻋﻨﺪﻭ ﺩﻋﻮﺓ ﻣﻴﻤﺘﻮ
ﻭ ﺍﻟﻄﻔﻠﺔ ﻟﻲ ﻳﺤﺒﻬﺎ ﻳﻨﺴﻰ ﻣﻌﺎﻫﺎ ﻫﻤﻮﻣﻮ
ﺍﻟﻜﻞ .
ﻭﻗﻔﺖ ﻣﻌﺎﻩ ﺍﻛﺜﺮ ﻣﺎﻟﺨﻮ ﺍﻟﺨﻮﻩ .. ﻭ ﺩﻳﻤﺎ
ﺗﺼﺒﺮ ﻓﻴﻪ ﻋﻠﻰ ﻫﻢ ﺍﻟﺪﻧﻴﺎ ﻭ ﻫﺎﺯﺍ ﺍﻟﺤﻤﻞ
ﻣﻌﺎﻩ
#ﺍﻣﺎ .....
ﺩﺍﺭﺕ ﺍﻟﺪﻧﻴﺎ ﻭ ﺗﺤﻠﺖ ﺍﻟﺒﻴﺒﺎﻥ ﻓﻲ ﻭﺟﻬﻮ ﻭ
ﻓﺮﺣﻮ ﺍﻻﺛﻨﻴﻦ ﻭ ﺑﺪﺍﻭ ﻳﺤﻠﻤﻮ ﺍﻟﻠﻲ ﺗﻤﻨﺎﻭ
ﻳﻌﻴﺸﻮﻩ ﺑﺎﺵ ﻳﻌﻴﺸﻮﻩ ﻣﻊ ﺑﻌﻀﻬﻢ ﺑﻌﺪ
ﺻﺒﺮﺭ ﺳﻨﻴﻦ ..
ﺑﺪﺍ ﺳﻲ ﺧﻮﻧﺎ ﺍﻟﺨﺪﻣﺔ .. ﺟﻤﻌﺔ .. .
ﺟﻤﻌﺘﻴﻦ ..ﻭﻳﻨﻮ؟؟ ﺷﺒﻴﻪ ﻣﺎﻋﺎﺵ ﻻﻫﻲ
ﺑﻴﻬﺎ؟ ﺗﻀﺤﻚ ﻭ ﺗﻘﻮﻝ ﻻﻫﻲ ﻓﻲ ﺍﻟﺨﺪﻣﺔ
ﺭﺑﻲ ﻳﻮﻓﻘﻮ .. ﻭ ﻳﺠﻲ ﺍﻟﻠﻴﻞ ﺗﻜﻠﻤﻮ ﻳﻘﻠﻬﺎ
ﺗﺎﻋﺐ .. ﺗﻀﺤﻚ ﻣﺶ ﻣﺎﻟﻘﻠﺐ ﻭ ﺗﻌﻠﻖ ﻭ
ﺗﺒﻘﺎ ﺗﺨﻤﻢ ..
ﺗﻌﺪﺍﻭ 5 ﺷﻬﺮ ﻫﻜﺎﻛﺔ ﺗﻘﺎﺑﻠﻮ ﻓﻴﻬﻢ
ﻣﺮﺗﻴﻦ .. ﻣﺮﺓ ﻟﻮﻻ ﻫﺒﻠﻮ ﺑﺒﻌﻀﻬﻢ ﻣﻮﻋﺪ
ﻳﺴﺘﻨﺎﻭ ﻓﻴﻪ ﺳﻨﻴﻦ .. ﺍﻟﻤﺮﺓ ﺍﻟﺜﺎﻧﻴﺔ ﻣﺶ
ﻛﺎﻟﻌﺎﺩﺓ ..
ﺯﻋﻤﺎ ﺷﺤﻜﺎﻳﺘﻮ ﻫﺎﻟﻄﻔﻞ ؟؟ ﺑﻘﺎﺕ
ﺗﺨﻤﻢ .. ﻟﻴﻦ ﺟﺎ ﺍﻟﻨﻬﺎﺭ ﻭ ﻫﺰ ﺍﻟﺘﺎﻟﻴﻔﻮﻥ .. ﻭ
ﻗﻠﻬﺎ ﺍﻧﺖ ﻭﻗﻔﺖ ﻣﻌﺎﻳﺎ ﺑﺮﺷﺎﺍ ﻭ ﺭﺍﻙ ﺑﻨﺖ
ﺍﺻﻞ ﺗﺴﺘﺎﻫﻞ ﻣﺎ ﺧﻴﺮ ﻣﻨﻲ .. ﺑﻬﺘﺖ
ﺳﻜﺘﺖ ﻋﻴﻄﺖ .. ﻻ ﺷﻴﻬﻤﻚ ﻓﻴﺎ .. ﻗﺘﻠﻮ ..
ﺍﻧﺎ ﻧﺤﺒﻚ ﺍﻧﺖ ﻧﻮﺭﻣﺎﻝ ﻧﺴﺘﺎﻫﻠﻚ ﻧﺤﺒﻚ
ﺑﺎﻟﺒﺎﻫﻲ ﻭ ﺍﻟﺨﺎﻳﺐ ﺍﻣﺎ ﻫﻮ؟؟
ﻗﻠﻬﺎ ﺳﺎﻣﺤﻨﻲ .. ﺳﺎﻣﺤﻨﻲ .. ؟؟ ﺭﺍﻧﻲ ﻣﺎ
ﻧﺠﻤﺶ ﻧﻜﺬﺏ ﻋﻠﻴﻚ .. ﻗﻠﺒﻲ ﻋﻨﺪ ﻭﺣﺪﺓ
ﺍﺧﺮﻯ ﻣﺶ ﻟﻴﻚ ..
ﻭﻓﺎ ﺍﻟﻜﻼﻡ ... ﺳﻜﺮﺕ ﺍﻟﺘﺎﻟﻴﻔﻮﻥ . ﻋﻴﻄﺖ
ﺑﻜﺎﺍﺍﺕ .. ﻣﺼﺪﻭﻣﺔ .. ﺑﻌﺪ ﻫﺬﺍ
ﺍﻟﻜﻞ .. ؟؟؟
ﻫﻮ .. ﺣﺐ ﻭﺣﺪﺓ ﺗﺨﺪﻡ ﻣﻌﺎﻩ .. ﻧﻬﺎﺭ ﻛﺎﻣﻞ
ﻗﺪﺍﻡ ﻋﻴﻨﻴﻪ ﺩﺍﺭﺕ ﺑﻴﻪ .. ﺧﻄﺒﻬﺎ .. ﻋﺮﺳﺖ
ﺑﻴﻪ ....
ﻋﻼﻩ؟؟ ﻋﻼﻩ ﺧﻠﻴﺖ ﻟﻲ ﺷﺪﺗﻠﻚ ﻳﺪﻙ ﻭ
ﺧﺮﺟﺘﻚ ﻣﺎﻟﻐﺮﻳﻖ ﻋﻠﻰ ﻭﺣﺪﺓ ﻋﺠﺒﺘﻚ ﻭ
ﻧﺴﻴﺖ ﺍﻟﻌﺸﺮﺓ؟؟
ﻋﺮﺱ ﺳﻲ ﻭﺧﻴﻨﺎ ﻭ ﻫﻲ ﺑﻘﺎﺕ ﻓﻲ ﺍﻟﻬﻢ
ﺗﺴﻠﺖ .. ﻭ ﻓﻲ ﻟﻠﺸﻘﺎ ﺗﻘﻠﺒﺖ ﺣﻴﺎﺗﻬﺎ
ﻣﺮﺿﺖ .. ﺑﻌﺪﺕ ﻋﻠﻰ ﺻﺤﺎﺑﻬﺎ ﺗﻮﺣﺪﺕ .. ﻭ
ﻧﻬﺎﺭﺭ .. ﻧﻬﺎﺭ ﻓﻲ ﺍﻻﻳﺎﺍﻡ
ﻃﻠﺒﻬﺎ ... ﻃﻠﺒﻬﺎ ﺑﺎﺵ ﻳﻘﻠﻬﺎ ﻣﺮﺗﻮ ﻭﻟﺪﺕ ..
ﺑﺎﺵ ﻳﻘﻠﻬﺎ ﺟﺎﺗﻮ ﻃﻔﻠﺔ .. ﻭ ﺑﺎﺵ ﻳﻘﻠﻬﺎ ﻟﻲ
ﻫﻮ ﻣﺎ ﻧﺴﺎﻫﺎﺵ .
ﺗﻮﺓ؟؟ ﻫﺰ ﻋﻠﻴﻪ ﻭﺍﺣﺪ ﺍﻟﺘﺎﻟﻴﻔﻮﻥ .. ﻗﺎﻝ
ﺷﻜﻮﻥ . ﻗﻠﻮ ﻣﻮﺵ ﻫﺬﺍ ﺗﺎﻟﻴﻔﻮﻥ
ﻓﻼﻧﺔ .. ؟؟ ﻗﻠﻮ ﻓﻼﻧﺔ ﺗﻮﻓﺎﺕ ﺍﻟﻴﻮﻡ ﺍﻟﺼﺒﺎﺡ
ﻣﺎﺗﺖ ﺍﻟﻤﺮﺍ ﻟﻲ ﺣﺒﺘﻮ .. ﻧﻬﺎﺭ ﻟﻲ ﻭﻟﺪﺕ
ﺑﻨﺘﻮ .. ﺳﻤﺎ ﺑﻨﺘﻮ ﻋﻠﻰ ﺍﺳﻤﻬﺎ .. ﻭ ﻧﺪﻡ ..
ﻧﺪﻡ ﺑﺮﺷﺎﺍﺍ .. ﺍﻣﺎ ﻭﻳﻦ ﻳﺎ ﺣﺴﺮﺓ ﻣﺎﻋﺎﺩﺵ
ﻳﻨﻔﻊ ﺍﻟﻨﺪﻡ
الحكاية و ما فيها
12 Oct 2014
0 التعليقات:
إرسال تعليق
Click to see the code!
To insert emoticon you must added at least one space before the code.