ﻓﻲ ﺃﻣﺮﻳﻜﺎ ﺍﻟﻜﺎﻓﺮﺓ ﺍﻟﻤﻮﺍﻃﻦ ﻛﻲ ﻳﻘﻮﻡ
ﺍﻟﺼﺒﺎﺡ ﻳﺤﺲ ﺭﻭﺣﻮ ﺇﻧﺴﺎﻥ ﺑﺄﺗﻢ ﻣﻌﻨﻰ
ﺍﻟﻜﻠﻤﺔ ﻭ ﻣﻮﺟﻮﺩ ﻓﺎﻟﺠﻨﺔ ﻣﺸﺎﺀﺍﻟﻠﻪ ،،
ﻭ ﻓﻲ ﺗﻮﻧﺲ ﺷﻌﺒﻨﺎ ﺍﻟﻌﻈﻴﻢ ﺃﻭﻝ ﻣﺎﻳﺤﻞ
ﻋﻴﻨﻮ ﻣﺎﻟﻨﻮﻡ ﻳﻠﻌﻦ ﺍﻟﻨﻬﺎﺭ ﺍﻟﻲ ﺗﻮﻟﺪ ﻓﻴﻪ ﻓﻲ
ﻫﺎﻟﺒﻼﺩ ﺍﻟﺸﺮﻳﻔﺔ ﻳﻤﺸﻲ ﻳﺨﺪﻡ ﻳﺴﺐ
ﺍﻟﺘﺮﻭﻧﺴﺒﻮﺭ ﻓﻲ ﺗﻮﻧﺲ ،، ﻳﻮﺻﻞ ﻟﻠﺨﺪﻣﺔ
ﻳﺼﺒﺢ ﻋﻠﻰ ﻣﻨﺎﻇﺮ مقلبة ﻭ ﻳﺴﺒﻬﻢ ﻭ
ﻳﺴﺐ ﺍﻟﻌﺮﻑ ﺍﻟﻲ ﻳﺨﺪﻡ ﻣﻌﺎﻩ ،، ﻳﺴﺐ
ﺍﻟﺸﻤﺲ ﻭ ﻳﺴﺐ ﺗﻮﻗﻴﺖ ﺍﻟﻌﻤﻞ ﻭ ﺍﻟﺘﻌﺐ
ﻛﻲ ﻳﺮﻭﺡ ﻳﺮﺟﻊ ﻳﺴﺐ ﺍﻟﺘﺮﻭﻧﺴﺒﻮﺭ ﻭ
ﻛﻲ ﻳﺴﻤﻊ ﺍﻷﺧﺒﺎﺭ ﻓﺎﻟﺮﺍﺩﻳﻮ ﻭﻻ ﻓﺎﻟﺘﻠﻔﺎﺯ
ﻭﻻ ﻳﻘﺮﺍ ﺃﺧﺒﺎﺭ ﻛﻲ ﻣﺰﻣﺒﻲ ﻓﺎﻟﺠﻮﺭﻧﺎﻝ
ﻳﻘﻮﻡ ﻳﺴﺐ ﺍﻟﻨﻬﻀﺔ ﻭ ﻳﻠﻌﻦ ﺍﻟﻐﻨﻮﺷﻲ
ﺍﻟﺮﺟﻴﻢ ﻭ ﺍﻟﻐﻨﺎﻧﻴﺶ ﺍﻟﻜﻞ ﻭﻳﺴﺐ ﺑﻦ
ﻋﻠﻲ ﻭ ﺍﻟﺴﺒﺴﻲ ﻭ ﺑﻦ ﺟﻌﻔﺮ ﻭ ﻣﺤﺮﺯﻳﺔ
ﻭ ﻣﻌﺎﻫﻢ ﺳﻨﻴﺔ ﺑﻦ ﺗﻮﻣﻴﺔ ﺑﻮﻧﻴﺺ
ﻫﻬﻬﻬﻬﻬﻬﻬﻬﻪ ﻳﺘﻌﺪﻯ ﻗﺪﺍﻡ ﺳﻮﻕ ﻭ ﻳﺸﻮﻑ
ﺍﻟﻬﻤﺠﻴﺔ ﻣﺘﺎﻉ ﺍﻟﺘﻮﺍﻧﺴﺔ ﻳﻜﻤﻞ ﻳﺴﺒﻬﻢ
ﺧﺎﺗﺮ ﺑﺎﻟﺮﺳﻤﻲ ﻋﻤﻠﻮ ﺍﻟﻌﺎﺭ ﻳﻤﺸﻲ
ﻟﻠﻘﻬﻮﺓ ﻳﺠﻴﺒﻮﻟﻮ ﻗﻬﻮﺓ ﻣﺎﺀ ﻭﺳﻜﺮ ﻳﻜﻤﻞ
ﻳﺴﺐ ﺍﻟﻘﻬﻮﺍﺟﻲ ،، ﻳﺤﻞ ﺍﻷﻧﺘﺮﻧﺎﺕ ﻳﻠﻘﻰ
ﺍﻟﻜﻮﻧﻜﺴﻴﻮﻥ ﻃﺎﻳﺤﺔ ﻳﻜﻤﻞ ﻳﺴﺐ
ﺍﻟﺘﻴﻠﻴﻜﻮﻡ ﻭ ﺍﻟﺘﻮﻧﻴﺰﻳﺎﻧﺎ ﻭ ﺃﻭﺭﻭﻧﺞ ﻭ
ﻣﻌﺎﻫﻢ ﻗﻄﺮ ،، ﻳﺪﺧﻞ ﻟﻠﻔﺎﻳﺴﺒﻮﻙ ﻳﺸﻮﻑ
ﺍﻟﻜﺬﺏ ﻭ ﺍﻟﻨﻔﺎﻕ ﻭ ﺍﻟﻌﻬﺮ ﻳﻜﻤﻞ ﻳﻔﺪ ﻭ
ﻳﺴﺒﻬﻢ ﻭ ﻳﻌﻤﻞ ﺩﻳﻜﻮﻧﻜﺴﻴﻮﻥ ،، ﻳﺤﻞ
ﺍﻟﺘﻠﻔﺰﺓ ﻳﻠﻘﻰ ﺍﻟﻮﻃﻨﻴﺔ ﺗﻌﺪﻱ ﻓﻲ ﺑﺮﻧﺎﻣﺞ
ﺣﻮﻝ ﺗﻜﺎﺛﺮ ﺍﻟﺤﻠﺰﻭﻥ ﻳﻜﻤﻞ ﻳﺴﺐ
ﺗﻮﻧﺲ ،، ﻳﻤﺸﻲ ﺑﺶ ﻳﺮﻗﺪ ﻓﺎﻟﻠﻴﻞ ﻳﺴﻤﻊ
ﺻﻮﺕ ﺍﻟﺸﻤﺎﺭﻳﺦ ﻓﺎﻟﻌﺮﻭﺳﺎﺕ ﺗﻘﻮﻝ ﻋﻠﻴﻪ
ﻗﺎﻋﺪ ﻓﻲ ﻟﻴﺒﻴﺎ ﻭﻳﻦ ﺍﻟﺨﻠﻴﻔﺔ ﺣﻔﺘﺮ ﻗﺎﻋﺪ
ﻳﻘﺼﻒ ﻓﻲ ﻛﺘﻴﺒﺔ ﺍﻟﻘﻌﻘﺎﻉ ﻭ ﺇﻻ ﺛﻮﺍﺭ
ﺍﻟﺰﻧﺘﺎﻥ ﻳﻮﻟﻲ ﻳﻬﺮﺏ ﻋﻠﻴﻪ ﺍﻟﻨﻮﻡ ﻭ ﻳﺴﺐ
ﺍﻟﻌﺮﻭﺳﺎﺕ ﺍﻟﻜﻞ ،، ﻳﺮﻗﺪ ﺩﺭﺟﻴﻦ ﺗﺠﻲ
06:00 ﻣﺘﺎﻉ ﺍﻟﺼﺒﺎﺡ ﻳﻘﻮﻡ ﻋﻴﻨﻴﻪ ﺣﻤﺮﺍﺀ
ﻭ ﻳﺨﺮﺝ ﺗﻌﺮﺿﻮ ﺍﻟﺰﺑﻠﺔ ﻣﻄﻴﺸﺔ ﻓﻲ ﻛﻞ
ﺷﺎﺭﻉ ﻭ ﺃﻋﻮﺍﻥ ﺍﻟﺒﻠﺪﻳﺔ ﻻ ﻳﺨﺪﻣﻮ ﻻ
ﻣﺰﻣﺒﻲ ﻳﺰﻳﺪ ﻳﺴﺐ ﻫﺎﻟﻌﻴﺸﺔ ﺍﻟﻜﻠﺒﺔ ،،
ﻳﺴﻤﻊ ﺑﺪﺍﻋﺶ ﻭ ﺟﺮﺍﺋﻢ ﺇﺳﺮﺍﺋﻴﻞ ﻭ
ﻳﺸﻮﻑ ﺍﻟﻮﺿﻊ ﺍﻹﻗﺘﺼﺎﺩﻱ ﻭ ﺍﻟﺴﻴﺎﺳﻲ
ﻓﻲ ﺗﻮﻧﺲ ﻭ ﺍﻟﻤﺴﺘﻘﺒﻞ ﺍﻟﻤﻈﻠﻢ ﻭ ﻇﻠﻢ
ﺍﻟﺪﻧﻴﺎ ﻟﻴﻨﺎ ﻳﻜﻤﻞ ﻳﻬﺒﻞ ﻭ ﻳﺴﺐ ﺍﻟﻨﻬﺎﺭ ﺍﻟﻲ
ﻋﻄﺎﻭﻩ ﻓﻴﻪ ﻟﻠﺠﻨﺴﻴﺔ ﺍﻟﺘﻮﻧﺴﻴﺔ ،، ﻭ ﺇﻟﺦ
ﺇﻟﺦ ﻣﺎﻟﻤﺸﺎﻛﻞ ﻭ ﺍﻟﻤﺼﺎﻳﺐ ﺍﻟﻲ ﺗﻜﻔﺮﻙ
ﺃﺻﻞ ﻣﻮﺵ ﺍﻟﺘﻮﻧﺴﻲ ﻳﺤﺐ ﻳﺴﺐ
ﻟﻜﻦ ﻫﺎﻛﻢ ﺗﺸﻮﻓﻮ ﺍﻟﺸﻲ ﻳﻨﻄﻖ
ﻣﺎﻷﺟﻨﺎﺏ ﻳﺎ ﻣﻌﻠﻢ ،، ﺇﻧﻬﺎ ﺗﻮﻧﺲ ﺍﻟﺤﺒﻴﺒﺔ ﻳﺎ
ﺟﺪﻋﺎﻥ ﺗﻮﻧﺲ ﻣﺸﺎﺕ ﺯﻳﺰﻱ ﺳﺎﻳﻲ ﻭ
ﺍﻟﻌﻴﺸﺔ ﻓﻴﻬﺎ ﺗﻌﺘﺒﺮ ﺟﻬﺎﺩ ﻓﻲ ﺳﺒﻴﻞ ﺍﻟﻠﻪ ،،
ﺗﻮﻧﺲ ﺇﻧﺘﻬﺖ ﻣﺪﺓ ﺻﻼﺣﻴﺔ ﺍﻟﻌﻴﺶ ﻓﻴﻬﺎ
ﻟﻜﻦ ﻣﺎﺯﻟﻨﺎ ﻧﺤﺒﻮﻫﺎ ﻭ ﻣﺰﺍﻝ ﻋﻨﺪﻧﺎ ﺃﻣﻞ
ﻓﺎﻟﺪﻧﻴﺎ ..
# ﺻﺒﺎﺡ ﺍﻷﻧﻮﺍﺭ ﻳﺎ ﺷﻌﺐ ﺍﻟﻠﻪ ﺍﻟﻤُﺤﺘﺎﺭ ﻭ
ﺇﻧﺸﺎﻟﻠﻪ ﻧﻬﺎﺭﻛﻢ ﺃﺳﻌﺪ ﺍﻷﻳﺎﻡ ﻳﺎ
ﻓﺮﻧﺪﻳﻘﺎﺋـــــــ ـــﻲ
شي يفدد
12 Oct 2014
0 التعليقات:
إرسال تعليق
Click to see the code!
To insert emoticon you must added at least one space before the code.