زهر كلب ولد كلب

ﺃﻭﻻ ؛ ﻣﺎﻛﺬﺑﺶ ﺍﻟﻲ ﻗﺎﻝ ﻣﻬﻤﺎ ﻛﺎﻧﺖ
ﻫﻤﻮﻣﻚ ﻛﺒﻴﺮﺓ ﺃﺳﻤﻊ ﻫﻤﻮﻡ ﻏﻴﺮﻙ ﺃﺗﻮ
ﺗﻨﺴﻰ ﻫﻤﻮﻣﻚ ﻭ ﺗﺤﻤﺪ ﺭﺑﻲ ﺃﻳﺎ
ﺳﻴﺪﻱ ﺃﺳﻤﻌﻮ ﺍﻟﻘﺼﺔ ﻫﺬﻱ ﻭ ﺃﺣﻜﻤﻮ
ﻋﻠﻴﻬﺎ ﻫﻞ ﻫﻲ ﻟﻌﻨﺔ ﻓﺮﻋﻮﻧﻴﺔ ﺃﻭ ﻣﺠﺮﺩ
ﺣﻆ ﻛﻠﺐ ﺍﻛﻬﻮ ؛
ﻓﺘﺎﺓ ﺗﻮﻧﺴﻴﺔ ﺗﺒﺮﻛﺎﻟﻠﻪ ﻋﻠﻴﻬﺎ ﻗﺮﺍﻳﺔ ﻭ
ﺃﻣﻮﺭﻫﺎ ﻋﺎﻝ ﺍﻟﻌﺎﻝ ،، ﻧﺠﺤﺖ ﻓﺎﻟﺒﺎﻙ ﻭ
ﻣﺸﺎﺕ ﻟﻮﻻﻳﺔ ﺃﺧﺮﻯ ﺗﻌﺪﻱ ﻓﺎﻹﺟﺎﺯﺓ ،،
ﺑﺎﻟﻄﺒﻴﻌﺔ ﺑﻌﺪﺕ ﻋﻠﻰ ﺩﺍﺭﻫﻢ ﺍﻣﻬﺎ ﻭ ﺑﻮﻫﺎ
ﻭ ﺧﻮﺍﺗﻬﺎ ﻭ ﺻﺎﺣﺒﺎﺗﻬﺎ ﺗﻲ ﺗﻘﻮﻟﺶ ﻋﻠﻴﻚ
ﻭﻟﻴﺖ ﺗﻌﻴﺶ ﻓﻲ ﺍﻟﻐﺮﺑﺔ ،، ﻭ ﺑﻤﺎﺃﻧﻬﺎ
ﻃﻔﻠﺔ ﻭ ﺗﻌﻴﺶ ﺩﺍﺧﻞ ﻫﺬﺍ ﺍﻟﻤﺠﺘﻤﻊ
ﺍﻟﻬﺎﻳﻞ ﺍﻟﻲ ﻓﻲ ﺗﻮﻧﺲ ﺣﺸﺎﻛﻢ ﺗﻌﺮﺿﺖ
ﻟﻠﻜﺜﻴﺮ ﻣﻦ ﺍﻟﺼﻌﻮﺑﺎﺕ ﻛﻴﻔﻬﺎ ﻛﻴﻒ ﺃﻱ
ﻃﻔﻠﺔ ﺃﺧﺮﻯ ﻟﻜﻨﻬﺎ ﺳﺘﺤﻔﻈﺖ ﻋﻠﻰ
ﺭﻭﺣﻬﺎ ﻭ ﺗﻠﻬﺎﺕ ﻛﺎﻥ ﺑﻘﺮﺍﻳﺘﻬﺎ ﺑﻔﻀﻞ ﺗﺮﺑﻴﺔ
ﻭﺍﻟﺪﻳﻬﺎ ﻭ ﺑﻔﻀﻞ ﺭﺑﻲ ﺑﺎﻟﻄﺒﻴﻌﺔ ،، ﻭ ﻛﻴﻒ
ﻛﻞ ﺗﻮﻧﺴﻲ ﺍﻟﻄﻔﻠﺔ ﻫﺬﻳﻜﺎ ﺗﻌﺮﻓﺖ ﻋﻠﻰ
ﺭﺍﺟﻞ ،، ﻃﻔﻠﺔ ﻋﺎﻗﻠﺔ ﻭ ﻃﻔﻞ ﻣﺘﺮﺑﻲ
ﺗﻌﺮﻓﻮ ﻋﻠﻰ ﺑﻌﻀﻬﻢ ﻋﻦ ﻃﺮﻳﻖ ﺍﻟﺼﺪﻓﺔ
ﺑﺎﻟﻀﺒﻂ ﻛﻴﻤﺎ ﺍﻱ ﻭﺍﺣﺪ ﻓﻴﻜﻢ ﺗﻌﺮﻑ ﻋﻠﻰ
ﺍﻷﺧﺮ ،، ﺍﻟﻤﻬﻢ ﺑﺪﺍﺕ ﺍﻟﻌﻼﻗﺔ ﻣﻦ ﻣﺠﺮﺩ
ﺃﺻﺪﻗﺎﺀ ﻭ ﺑﺎﻷﻳﺎﻡ ﻭ ﺍﻟﻌﺸﺮﺓ ﺑﺪﺍﻭ ﺍﻟﺰﻭﺯ
ﻳﺘﻌﻠﻘﻮ ﺑﺒﻌﻀﻬﻢ ،، ﻛﻞ ﻭﺍﺣﺪ ﻓﻴﻬﻢ ﻳﺮﺗﺎﺡ
ﻟﻠﺜﺎﻧﻲ ،، ﻛﻞ ﻭﺍﺣﺪ ﻓﻴﻬﻢ ﻋﺠﺒﺘﻮ ﺣﺎﺟﺔ
ﻓﺎﻟﺜﺎﻧﻲ ،، ﺑﻌﺪ ﻣﺪﺓ ﻃﻮﻳﻠﺔ ﺑﺎﻟﻄﺒﻴﻌﺔ
ﺍﻟﻄﻔﻞ ﻋﺠﺒﺘﻮ ﺗﺮﺑﻴﺔ ﺍﻟﻄﻔﻠﺔ ﻭ ﺍﻟﻌﻘﻮﻟﻴﺔ
ﻣﺘﺎﻋﻬﺎ ﻭ ﻗﺎﻝ ﺑﻜﻞ ﻓﺨﺮ ﺍﻳﺎ ﺍﻟﺤﻤﺪﻭﻟﻠﻪ
ﻣﺰﺍﻝ ﻓﻤﺎ ﺑﻨﺎﺕ ﺣﻼﻝ ،، ﺍﻟﻄﻔﻠﺔ ﻛﻴﻒ
ﻛﻴﻒ ﻗﺎﻟﺖ ﻫﺬﺍ ﻭﻟﺪ ﺣﻼﻝ ﻭ ﺻﺮﻳﺢ ﻭ
ﻳﺴﺘﺎﻫﻞ ﻳﻜﻮﻥ ﺯﻭﺝ ،، ﺍﻟﻤﻬﻢ ﻧﺸﺌﺖ
ﻋﻼﻗﺔ ﺣﺐ ﺑﻴﻨﺎﺗﻬﻢ ﻭ ﺍﻟﻲ ﻗﺎﻟﻮﻩ ﻋﻠﻰ
ﺑﻌﻀﻬﻢ ﻛﺎﻥ ﺻﺤﻴﺢ ﻭ ﺍﻟﺰﻭﺯ ﻃﻠﻌﻮ ﻭﻻﺩ
ﺣﻼﻝ ﻭ ﺑﻌﺪ ﺑـــــــ3 ﺳﻨﻮﺍﺕ ﺣُﺐ ﻭ ﻏﺮﺍﻡ
ﻭ ﻓﺮﺣﺔ ﻣﺎﻟﻘﻠﺐ ﻟﻜﻠﻴﻬﻤﺎ ﺧﺎﺗﺮ ﻛﻞ ﻭﺍﺣﺪ
ﻓﻴﻬﻢ ﻟﻘﻰ ﺷﺮﻳﻚ ﺣﻴﺎﺗﻮ ﺗﻘﺪﻡ ﺍﻟﻄﻔﻞ
ﻟﻠﻄﻔﻠﺔ ﻣﺎﻟﺒﺎﺏ ﻭ ﺧﻄﺒﻬﺎ ،، ﺗﻌﺮﻓﺖ
ﺍﻟﻌﺎﻳﻼﺕ ﻋﻠﻰ ﺑﻌﻀﻬﺎ ﻭ ﻛﺎﻧﻮ ﻓﺮﺣﺎﻧﻴﻦ
ﺑﺒﻌﻀﻬﻢ ،، ﺑﻌﺪ ﺑﻤﺪﺓ ﺩﺧﻠﺖ ﺍﻟﻄﻔﻠﺔ
ﺗﺨﺪﻡ ﺑﺶ ﺗﻌﺎﻭﻥ ﺷﺮﻳﻚ ﺣﻴﺎﺗﻬﺎ ﻋﻠﻰ
ﻣﻼﺯﻡ ﺍﻟﻌﺮﺱ ﻭ ﺍﻟﺪﺍﺭ ﻭ ﺍﻟﺰﻭﺯ ﺣﺎﺭﻗﻴﻦ
ﺭﻭﺍﺣﻬﻢ ﺑﺎﻟﺨﺪﻣﺔ ﻳﺴﺘﻨﺎﻭ ﻓﻲ ﺣﻔﻠﺔ
ﺍﻟﺰﻭﺍﺝ ،، ﺍﻳﺎ ﻋﺎﺩ ﻛﺘﺒﻮ ﺍﻟﺼﺪﺍﻕ ﻭ ﺗﺤﺪﺩ
ﻳﻮﻡ ﺍﻟﺰﻓﺎﻑ ﻭ ﺍﻣﻮﺭﻫﻢ 6 ﺯﻳﺖ ،، ﻣﺰﺍﻝ
ﺃﺳﺒﻮﻉ ﻭﺍﺣﺪ ﻋﺎﻟﻌﺮﺱ ﻭ ﺍﻟﻄﻔﻠﺔ ﺟﺎﻫﺎ
ﺗﺎﻟﻴﻔﻮﻥ ﻗﺎﻟﻮﻟﻬﺎ ﺭﺍﺟﻠﻚ ﺗﻮﻓﻰ ﺻﻠﻲ
ﻋﺎﻟﻨﺒﻲ ﻳﺮﺣﻢ ﺑﻮﻙ ﻣﺰﺍﻝ 6 ﺃﻳﺎﻡ
ﺑﺎﻟﻀﺒﻂ ﻋﺎﻟﻌﺮﺱ ﻭ ﺍﻟﺮﺍﺟﻞ ﻟﺒﺎﺱ ﻋﻠﻴﻪ
ﺻﺤﺘﻮ ﺑﺨﻴﺮ ﻣﺸﺎﺕ ﺍﻟﻄﻔﻠﺔ ﻟﻠﺴﺒﻴﻄﺎﺭ
ﺍﻟﻲ ﻗﺎﻟﻮﻟﻬﺎ ﻋﻠﻴﻪ ﺑﺶ ﺗﺘﻌﺮﻑ ﻋﺎﻟﺠﺜﺔ ﻭ
ﺗﺘﻤﻨﻰ ﺑﺶ ﻳﻜﻮﻥ ﺍﻟﺨﺒﺮ ﻏﺎﻟﻂ ،، ﺩﺧﻠﺖ
ﻟﻠﻐﺮﻓﺔ ﺧﺮﺟﻮﻟﻬﺎ ﺭﺍﺟﻠﻬﺎ ﻭ ﻟﻸﺳﻒ ﻃﻠﻊ
ﻫﻮ ﻣﺎﻧﻐﻴﺮ ﻣﺎﻧﺤﻜﻴﻠﻜﻢ ﻋﺎﺩ ﺃﺵ ﺻﺎﺭ
ﻓﻴﻬﺎ ﻳﻜﻔﻲ ﺇﻧﻚ ﺗﺘﺨﻴﻞ ﻃﻔﻠﺔ ﻳﻤﻮﺕ
ﺭﺍﺟﻠﻬﺎ ﻗﺒﻞ ﺑﺠﻤﻌﺔ ﻣﺎﻟﻌﺮﺱ ﺍﻟﺪﻧﻴﺎ
ﺿﻼﻣﺖ ﻓﻲ ﻋﻴﻨﻬﺎ ﻭ ﻣﻦ ﺑﻴﺘﻬﺎ
ﻣﺎﺗﺨﺮﺟﺶ ،، ﻛﺎﻥ ﻣﻮﺵ ﺃﻣﻬﺎ ﺗﻮﻛﻠﻬﺎ
ﺣﺎﺟﺔ ﺧﻔﻴﻔﺔ ﺑﺎﻟﺴﻴﻒ ﺭﺍﻫﻲ ﻣﺎﺗﺖ
ﺳﺎﻳﻲ ﺍﻟﻄﻔﻠﺔ ﺳﻠﻤﺖ ﺃﻣﺮﻫﺎ ﻝ ﻟﻠﻪ ،، ﺍﺫﺍ
ﻛﺎﻥ ﻃﻔﻠﺔ ﻓﺎﻟﻔﺎﻳﺴﺒﻮﻙ ﺗﻤﺮﺟﻨﺎ ﺑﺴﺘﺎﺗﻴﺎﺕ
ﺍﻟﺪﻣﻮﻉ ﻭ ﺍﻟﺤﺐ ﺧﺎﺗﺮ ﻗﺼﺘﻬﺎ ﻣﻊ ﺻﺎﺣﺒﻬﺎ
ﻓﻤﺎ ﺑﺎﻟﻚ ﻓﺎﻟﻄﻔﻠﺔ ﻫﺬﻱ ﺭﺍﺟﻠﻬﺎ ﺗﻮﻓﻰ
ﻗﺒﻞ ﺍﻟﻔﺮﺣﺔ ﺑﺠﻤﻌﺔ ؟! ﺍﻟﻤﻬﻢ ﺍﻟﻄﻔﻠﺔ
ﺣﺒﺖ ﺗﻜﺬﺏ ﻋﻠﻰ ﺭﻭﺣﻬﺎ ﻭ ﺗﺮﺟﻊ ﺗﻘﺮﻯ
ﺍﻟﻤﺎﺳﺘﺎﺭ ﻓﻤﺎﺵ ﻣﺎﺗﺘﻨﻔﺲ ﺷﻮﻱ ،، ﻛﻞ
ﺑﻼﺻﺔ ﻭ ﻛﻞ ﺣﻜﺎﻳﺔ ﺗﻔﻜﺮﻫﺎ ﺑﺮﺍﺟﻠﻬﺎ
ﺍﻟﻐﺎﻟﻲ ﺍﻟﻄﻔﻠﺔ ﻧﺴﺎﺕ ﺍﻟﻲ ﻣﺰﺍﻝ
ﻋﻨﺪﻫﺎ ﺷﻜﻮﻥ ﻻﺯﻣﻬﺎ ﺗﻌﻴﺶ ﻋﻠﻰ ﺧﺎﺗﺮﻭ
ﻟﻴﻦ ﺟﺎﻫﺎ ﺗﺎﻟﻴﻔﻮﻥ ﺃﺧﺮ ﻓﻜﺮﻫﺎ ﺑﻌﺎﻳﻠﺘﻬﺎ ،،
ﻗﺎﻟﻮﻟﻬﺎ ﺧﻮﻙ ﺍﻟﻠﻪ ﻳﺮﺣﻤﻮ ﻏﺮﻕ
ﻓﺎﻟﺒﺤﺮ ،، ﺍﻧﺎﻫﻮ ﺑﺤﺮ ؟؟ ﺍﻟﺒﺤﺮ ﻓﻲ ﺑﻼﺩ
ﺭﺍﺟﻠﻬﺎ ' ﻧﺎﺑﻞ ' ﻭ ﻫﺰﻭﻩ ﻟﻨﻔﺲ ﺍﻟﺴﺒﻴﻄﺎﺭ
ﻭ ﻧﻔﺲ ﺍﻟﻐﺮﻓﺔ ﻣﺘﺎﻉ ﺍﻟﻤﻮﺗﻰ ﻭ ﺟﺒﺪﻭﻩ
ﻣﻦ ﻧﻔﺲ ﺍﻟﺜﻼﺟﺔ ﻫﻞ ﻫﺬﻱ ﻣﺠﺮﺩ
ﺻﺪﻓﺔ ؟؟ ﻭﻓﺎﺓ ﺧﻮﻫﺎ ﺯﺍﺩﺕ ﻋﻠﻰ ﻣﺎ
ﺑﻴﻬﺎ ،، ﻭ ﺗﻠﻚ ﺍﻟﺼﺪﻓﺔ ﻛﻤﻠﺖ ﺣﻴﺮﺗﻠﻬﺎ
ﻣﻮﺍﺟﻊ ﻣﻮﺕ ﺭﺍﺟﻠﻬﺎ ،، ﺷﺎﻓﺖ ﺑﻌﻴﻨﻬﺎ
ﺭﺍﺟﻠﻬﺎ ﻭ ﺧﻮﻫﺎ ﺭﺍﻗﺪﻳﻦ ﻓﻲ ﻧﻔﺲ
ﺍﻟﺼﻨﺪﻭﻕ ﺯﻭﺯ ﻣﻦ ﺃﻏﻠﻰ ﺍﻟﻨﺎﺱ
ﻋﻠﻰ ﻗﻠﺒﻬﺎ ﺧﺴﺮﺗﻬﻢ ،، ﻳﺎ ﻭﻳﻠﻬﺎ ﻣﻦ
ﺫﻛﺮﻳﺎﺕ ﺭﺍﺟﻠﻬﺎ ﻭ ﻳﺎ ﻭﻳﻠﻬﺎ ﻣﻦ ﺿﺤﻜﺔ ﻭ
ﺗﺒﺴﻴﻤﺔ ﺧﻮﻫﺎ ﺍﻟﻄﻔﻠﺔ ﻛﻞ ﻳﻮﻡ
ﻣﺨﺪﺗﻬﺎ ﺑﺎﻟﺪﻣﻮﻉ ،، ﺗﺼﺎﻭﺭ ﺧﻮﻫﺎ ﻭ ﺭﺍﺟﻠﻬﺎ
ﻣﻌﻠﻘﻴﻦ ﻓﻲ ﺑﻴﺘﻬﺎ ،، ﺍﻟﻄﻔﻠﺔ ﺗﻴﻘﺮﺕ
ﻣﺎﻟﺪﻧﻴﺎ ﻭ ﻛﺮﻫﺖ ﻋﻴﺸﺘﻬﺎ ،، ﻣﻌﺎﺩﺵ
ﺣﺎﺟﺘﻬﺎ ﺑﺸﻲ ﻣﺎﻟﺪﻧﻴﺎ ،، ﻣﻌﺎﺩﺵ ﺗﺤﺐ
ﺗﻌﻴﺶ ،، ﺷﻨﻮﺍ ﺫﻧﺒﻬﺎ ﻳﺼﻴﺮ ﻓﻴﻬﺎ ﻫﺬﺍ
ﺍﻟﻜﻞ ؟؟ ﻋﻼﺵ ﺍﻟﻄﻔﻠﺔ ﺍﻟﺼﺎﻟﺤﺔ ﻳﺼﻴﺮ
ﻓﻴﻬﺎ ﻫﻜﺎ ﻭ ﺍﻟﻄﺎﻟﺤﺔ ﺗﺤﻼﻟﻬﺎ ﺍﻟﺪﻧﻴﺎ ؟؟
ﺍﻟﺤﺎﺟﺔ ﺍﻟﻮﺣﻴﺪﺓ ﺍﻟﻲ ﻣﺰﺍﻟﺖ ﻣﺼﺒﺮﺗﻬﺎ
ﻫﻲ ﻭﺍﻟﺪﻳﻬﺎ ،، ﻣﻬﻤﺎ ﺗﻮﺍﺳﻴﻬﺎ ﺭﺍﻫﻮ
ﺍﻟﻮﺟﻴﻌﺔ ﻓﻲ ﻗﻠﺒﻬﺎ ﻛﺒﻴﻴﻴﻴﻴﻴﺮﺓ ،، ﺍﻟﻤﻮﺕ
ﺣﻖ ﻋﻠﻴﻨﺎ ﻟﻜﻦ ﻗﺼﺔ ﻛﻴﻤﺎ ﻫﺬﻱ ﻣﻮﺵ
ﺑﺎﻟﺴﺎﻫﻞ ﺗﻨﺴﺎﻫﺎ ،، ﺑﻮﻥ ﻣﻬﻤﺎ ﺗﻜﺘﺐ ﻭ
ﺗﻌﺒﺮ ﻣﺎﺗﻨﺠﻤﺶ ﺗﻮﺻﻒ ﺍﻹﺣﺴﺎﺱ ﻫﺬﻛﺎ
ﻭ ﻇﻠﻢ ﺍﻟﺪﻧﻴﺎ ﻟﻴﻬﺎ ﻋﻠﻰ ﺭﺑﻲ ﻭ ﺍﻛﻬﻮ
ﺃﺳﻤﻊ ﻫﻤﻮﻡ ﻏﻴﺮﻙ ﺗﻨﺴﻰ
ﻫﻤﻮﻣﻚ .....